Россиянинг Сахалин вилоят марказий касалхонаси шифокорнинг хатоси учун бемор аёлга 1,3 миллион рубль товон пули тўлайдиган бўлди.
Текшириш жараёнида шифокорнинг операция қилиш учун асоси бўлмаганлиги аниқланди. Оқибатда жарроҳлар бемор аёлнинг соғлом буйрагига жароҳат етказган, шундан кейин буйракни олиб ташлашга тўғри келган.
Суд аёлнинг соғлиги учун хавфли бўлган зарар етказилганини аниқлаб, касалхона унга 1,3 миллион рубль товон пули тўлаши ҳақида ҳукм чиқарди.
Касалхона маъмурияти Жанубий-Сахалин шаҳар судининг ҳукмидан норози бўлиб, даъво аризасини ёзди. Натижада жиноий иш вилоят судида кўриб чиқилди ва ҳукм тўғри чиқарилган деб, ўз кучида қолдирилди.
