АҚШнинг Массачусетс штатидаги Марблхэд шаҳрида яшовчи 19 ёшли Эмма Вили полициячи аёл Жессика Рондинеллининг қулоғини тишлаб, узиб олгани учун тўрт йилга қамоқ жазосига ҳукм қилинди, деб хабар берди “Vesti.ru” нашри.
Полициячилар ширакайф қизни маҳаллий тунгги клублардан бирга қўлга олишди. Аммо Эмма полиция маҳкамасига боришни истамади ва полициячи аёл, иш бошлаганига эндигина бир ой бўлган Жессика Рондинеллининг қулоғини тишлаб, узиб олди. Шифокорлар узилган қулоқни қайта жойига тикишнинг иложини топишолмади.
Воқеа 2016 йилнинг август ойида рўй берганига қарамай, суд мазкур иш бўйича энди ҳукм чиқарди.
Эмма Вили полициячига ҳужум қилганликда ва қаршилик кўрсатганликда айбланиб, 4 йил қамоқ жазосига ҳукм қилинди. Қизнинг адвокати унинг руҳий касалликка чалинганини, қилган ишидан пушаймонлигини маълум қилди.
