Автомобиль ЙТҲ содир бўлган жойдан қочиб кетмоқчи бўлди, аммо у бунга эриша олмади, деб хабар берди “Тjournal.ru” нашри.
YouTube фойдаланувчиси Брайан Бектон Вашингтон штатидаги Тамуотер шаҳридаги йўллардан бирида содир бўлган ЙТҲни видеога олди. Мотоциклчи олдинда кетаётган автомобилга тўсатдан тормоз бергани учун зарб билан урилди. Зарба кучли бўлганидан ўзи автомобиль юкхонаси устига тушди, мотоцикл эса урилган жойда қолди. Шунда ҳам автомобиль эгаси тўхтамай, бир неча юз метргача машинани ҳайдаб борди ва юкхона устидаги одамни тушириш учун тўхташга мажбур бўлди.
Маълумотларга кўра, мотоциклчи ЙТҲдан ҳеч қандай тан жароҳати олмаган.
