“Миллион” кулгу жамоаси апрель ойида ўз сардорлари Даврон Кабуловсиз концерт беради. Концерт баннери ижтимоий тармоқларга жойлаштирилмоқда. Унга кўра, жамоанинг янги концерт дастури “Истиқлол” санъат саройида 24-28 апрель кунлари бўлиб ўтади.
“Миллион” сардори Даврон Кабулов ҳам реклама баннерини ўзининг Instagram`даги саҳифасига жойлаштириб, “Биз бир жамоамиз. Ҳар қандай вазиятда ҳам” деб ёзиб қолдирди.
Реклама баннерида Даврон Кабуловдан ташқари барча гуруҳ аъзолари акс этган. Демак 24-28 апрель кунлари бўлиб ўтадиган концерт дастурида Даврон Кабулов иштирок этмайди.
Маълумот учун, “Миллион” жамоаси 2016 йилнинг 14-21 сентябрь кунлари ҳам “Истиқлол” санъат саройида концерт дастурини тақдим этган ва бу концерт диски сотувга чиқарилганидан кейин гуруҳ аъзолари ва хонанда Каниза ўртасида турли тушунмовчиликлар юзага келган эди.
