Қандай парҳез турини танлашингиздан қатъий назар, овқатланишнинг умумий принципларига амал қилишингиз шарт. Фақат шу ҳолдагина тутган парҳезингиз кутилганидек самара бради.
1. Ҳар галги овқат ҳажми 200-250 граммдан ошмасин. Таомни кичик порцияларда тановвул қилиш ошқозоннинг кичрайишига ёрдам беради.
2. Овқатланаётганда имкони борича хуш кайфиятда бўлишга ҳаракат қилинг. Ижобий ҳиссиётлар билан истеъмол қилинган таом бутун танангизга қувват бағишлайди.
3. Сувни овқатланишдан ё 30 дақиқа олдин ёки 30 дақиқа кейин ичинг.
4. Ҳар куни камида 2 литр суюқлик ичиб турсангиз, организмдаги моддалар алмашинуви яхшиланади.
5. Суюқликни бирваракайига эмас, бутун кун давомида оз-оздан ичиб турган маъқул.
6. Дастурхонни чиройли қилиб безатинг. Завқ билан овқатланиш ҳазм қилиш жараёнини яхшилайди.
7. Таом тановвул қилаётгана яхши нарсалар ҳақида ўйланг. Шундагина тушлик ёки кечки овқатдан тўла лаззатлана оласиз.
8. Соатга қаранг! Ўртача 20 дақиқа вақт оралиғида тўйиш рефлекси кучга киради. Шу муддат ичида кам ёки жуда кўп овқат тановвул қилиш ўзингизга боғлиқ.
9. Таом тановвул қиаётиб ҳам ора-орада суюқлик ичиб туриш овқат ҳазм қилиш жараёнига ҳеч қандай зиёни йўқ.
10. Тез-тез, ҳар 2,5-3 соатда нимадир еб туришга одатланинг. Ҳам оч қолмайсиз, ҳам истеъмол қилаётган таомингиз порцияси назоратингиз остида бўлади.
11. Дастурхон атрофида йиғилганда, фақатгина бир ликопча таом билан кифояланинг. Қўшимча сўраш одатини канда қилганингиз маъқул.
12. Ҳеч қачон «ҳозир сени ҳам еб қўяман», даражасида оч қолиб юрманг! Жуда оч қолиб, овқатланиш жуда чиройли қоматни ҳам бузади.
13. Агар шунчалик оч бўлсангиз, овқатланишдан олдин, иштаҳангизни бир стакан сув билан бироз сусайтиринг.
14. Ёмон кайфиятда овқатланманг, ўзингиз сезмаган ҳолда жуда кўп еб юбоишингиз мумкин. Кўпларнинг айнан дипрессия пайтида семириб кетишининг сабаби ҳам шунда.
15. Менюни олдиндан режалаштиринг. Тўғри режалаштирилган менюрацион каллориясини назорат қилишда кўмаклашади.
16. Оч қолган пайтингиз егулик сотиб олманг. Билмай, кераксиз ширинликлар ва ёғли масаллиқлар харид қилиб қўйишингиз мумкин.
17. Саломатингиз учун зарур масаллиқлар рўйхатини тузиб чиқинг. Харид қилиш жароёни осонроқ ва тезроқ кечади.
18. Ўз рационингиздаги масаллиқлар каллорияси ва тўйимлилиги жадвалини ўрганиб чиқишга эринманг.
19. Фастфуддан узоқроқ юринг. Бу зарарли, ёғли ва нотабиий овқат. Ва йўл-йўлакай овқатланишдан ҳам тийилинг. Тез овқатланиш ҳазм бўлиш жараёнини қийинлаштиради.
20. Овқатни секин-секин ва кўп маротаба чайнаб енг. Шундагина тўйиш ҳиссини тезроқ туясиз ва ортиқча овқат еб қўймайсиз.
21. Соат кечки 19.00 дан кейин 200 граммдан ортиқ суюқлик ичманг. Бу организмдаги шишларнинг олдини олади.
22. Сувни бирваракайига қултиллатиб эмас, секин-секин ҳўплаб ичинг. Ўзингизни шунга ўргатинг.
23. Ухлашдан 3 соат олдин умуман таом тановвул қилманг. Акс ҳолда овқат таркибидаги моддалар ҳазм бўлмайди. Бунинг организмган зиёни бор.
24. Телевизор қаршисида овқатланиш одатидан воз кечинг. Қизиқроқ фильм ёки теледастурга чалғиб, керагидан зиёд овқатланиб юбориш мумкинлиги илмий исботланган.
25. Ҳар доим овқатланиш пайтида қуйидаги жумлани ичингизда қайд этиб қўйинг, «мени буни тановвул қилаяпман. Бу жуда мазали!»
26. Дастурхон олдида букчаймасдан, қаддингизни тик тутиб ўтиринг. Шундай қилсангиз, камроқ ейсиз.
27. Оч қоринга спиртли ичимлик ичманг. Бу иштаҳани кучайтиради. Ўзингиз билмай туриб, кўп нарса еб юборишингиз мумкин.
28. Коллорияси баланд овқатларни фақат соат 16:00 га қадар енг. Шундагина улар яхши ҳазм бўлади.
29. Соат кечки тўртдан кейин ширинлик ва ёғли маҳсулотлар истеъмолини назоратга олинг. Чунки айнан шу пайтдан бошлаб организм қувват заҳираси режимига ўтади.
30. Кечқурун овқатланманг. Бу пайтда организмингиз истеъмол қилинган овқатни ҳазм қилиш учун ишлаши эмас, дам олиб, эртанги кун учун куч йиғиши керак.
Гулноза
