Хитойлик 69 аёл уни шифокорлар операция қилаётган пайтда ижтимоий тармоқлар орқали мулоқотда бўлди, операцияда иштирок этаётган врачларни суратга олди, деб хабар берди Tengrinews.kz нашри.
Маълум бўлишича, маҳаллий анестезия орқали операцияни амалга оширган жарроҳ бемор аёлнинг камроқ асабийлашиши учун операция хонасига смартфон олиб киришига рухсат берган. Аслида беморларга операция хонасига смартфон олиб кириш тақиқланади, аммо бу сафар доктор Чжу аёлни бу тақиқдан истисно қилди. У бемор аёлнинг оёғидаги варикоз томирларни операция қилди.
“Бемор аёл қаттиқ ҳаяжонланаётганини кўриб, уни тинчлантириш мақсадида, операцияни муваффақиятли равишда ўтказиш учун операцияга смартфон олиб киришга рухсат бердим”, деб ўз ҳаракатини изоҳлади доктор Чжу. 18 дақиқа давом этган операция жараёнида бемор аёл уни операция қилаётган врачларни эсдалик учун суратга туширди, WeChat ижтимоий тармоғида яқинлари, дўстлари билан мулоқот қилди. “Мен ўзимни жуда хотиржам ҳис қилдим, умуман асабийлашмадим”, деди бемор аёл Хитой нашрларидан бирига берган интервьюсида.
