Ўзбекистон Миллий статистика қўмитасига кўра, мамлакатнинг деярли барча ҳудудларида эркаклар сони аёлларга нисбатан бироз устун. Фақат Тошкент шаҳрида вазият бошқача бўлиб, пойтахтда ҳар 1000 нафар аёлга 966 нафар эркак тўғри келган.
Мутахассислар бу ҳолатни йирик шаҳарларга аёллар оқимининг кўпроқ бўлиши билан изоҳламоқда.
Энг юқори кўрсаткич Наманган вилоятида қайд этилган — бу ерда ҳар 1000 нафар аёлга 1034 нафар эркак тўғри келади.
Шунингдек:
- Қашқадарё вилоятида — 1029 нафар;
- Андижан вилоятида — 1027 нафар;
- Навоий вилоятида — 1026 нафар;
- Сурхондарё вилоятида — 1025 нафар эркак тўғри келган.
