Шу кунларда юртимизда ҳукм сураётган ноқулай об-ҳаво шароити футбол бўйича Осиё Чемпионлар лигаси саралаш учрашувига ҳам ўз таъсирини кўрсатмасдан қолмади.
8 февраль куни соат 15:00да бошланиши белгиланган «Локомотив» – «Қувайт спорт клуб» учрашуви ноқулай об-ҳаво шароити туфайли бошқа муддатга кўчирилди. Матч комиссари, бутанлик Доржи Миндунинг қарорига кўра мазкур ўйин эртага, яъни 9 февраль соат 14:00да «Пахтакор» марказий стадионида бошланади.
