Тошкентнинг «Пахтакор» клуби ҳужумчиси Темурхўжа Абдухолиқов Хорватиянинг «Хайдук» жамоаси билан шартнома имзолади.
Бу ҳақда Сплит клуби расмий сайти [url=http://hajduk.hr/vijest/tima-potpisao-za-hajduk/4378]хабар бермоқда.
Футболчи «Хайдук»нинг Туркиядаги йиғинида иштирок этган, Грузиянинг «Динамо» жамоасига қарши назорат ўйинида майдонга тушган эди. Клуб расмий сайти хабарига кўра, Абдухолиқовнинг ҳаракатлари жамоа мураббийларига маъқул келган.
Футболчи янги жамоасида 15-рақам остида тўп суради. Абдухолиқовни таништириш маросими футболчи Хорватияга етиб борганидан сўнг бўлиб ўтади.
