28-29 ноябрь кунлари Тошкентда ўтадиган “Замонлар чорраҳаси: ўтмишнинг буюк мероси-маърифатли келажак пойдевори” халқаро медиа-форумига ташриф буюрадиган меҳмонларнинг мазкур лойиҳа ҳақидаги фикрлари билан ўртоқлашамиз...
Франсиз Ришар, Ислом санъати Департаменти экс-директори, Миллий тил ва цивилизация университети кутубхонаси фахрий ходими: — Тошкентда ўтадиган “Замонлар чорраҳаси: ўтмишнинг буюк мероси-маърифатли келажак пойдевори” форумига таклиф қилишганидан мамнунман. Ушбу лойиҳанинг ташкилотчиларига ўз миннатдорчилигимни билдираман. Ва бу ўзига хос анжуманнинг муваффақиятли ҳамда юксак илмий қадрга эга бўлишига ишонаман.
Мазкур лойиҳага қўшадиган камтарона ҳиссам XVI аср Бухоро қўлёзмалари мактаби расмлари бўлади. Албатта, бу тадқиқотлар келгуси йиллар мобайнида батафсил ўрганиш учун мўлжалланган объект бўлади, деб умид қиламан. Мазкур санъат юксак илмий қадриятга эга.
