«Манчестер Юнайтед» клуби хўжайини Малкольм Глейзер 86 ёшида бу дунёни тарк этди. Бу ҳақда Sports.ru нашри хабар бермоқда.
Глейзер уч кун олдин 86 ёшга тўлганди.
Глейзер – америкалик бизнесмен. 1995 йилдан буён АҚШнинг «Тампа-Бэй» клубига хўжайинлик қиларди, 2005 йил «Манчестер Юнайтед»ни сотиб олганди. Шундан сўнг МЮ 5 бор премьер-лигада ғолиб бўлган ва бир бор ЕЧЛ соҳибига айланган. 2013 йилнинг март ойи ҳолатига кўра унинг бойлиги 4,5 миллиард долларга баҳоланганди.
