Германия суди Каталониянинг собиқ раҳбари Карлес Пучдемонни Испанияга топширадиган бўлди, деб хабар бермоқда Рентв.ру нашри.
Пучдемоннинг Испанияга топшрилиши хақидаги қарорни Германиянинг Шлезвиг-Гольштейн федераль суди қабул қилди. Каталония собиқ раҳбари давлат маблағини суиистеъмол қилиш айблови билан Испанияга экстрадиция қилинади. Бироқ суд Испания томонидан Пучдемонга қарши тақдим қилинган унинг исён келтириб чиқариш тўғрисидаги материалларни ишончли эмас, деб топган. Эслатиб ўтамиз,
Пучдемон 2017 йил 1 октябрда Каталониянинг Испания таркибидан чиқиши бўйича референдум ўтказилгандан кейин Испаниядан Бельгияга қочган. Референдум натижаларига кўра, Каталония парламенти мустақиллик ҳақидаги декларацияни қабул қилган, бироқ расмий Мадрид бунга қарши бўлган. Испания олий суди Пучдемоннинг ҳибсга олинишига ордер берган ва уни сафдошлари билан бирга депутатлик мандатидан маҳрум этган. Пучдемон март охирида Германияда ушланган, бироқ тез орада 75 минг евро миқдоридаги гаров пули эвазига озодликка чиқарилган эди.
