Хитойда юк кемаси ҳалокатга учради, деб хабар берди РЕН ТВ нашри.
Шунгкианг 2 номли юк ташувчи кема қарама-қарши тарафдан келаётган бошқа бир кема билан тўқнашиб кетган. Натижада эса юк кемаси сувга ғарқ бўлди. Унинг бортида жами 13 киши бўлиб, уларнинг 10 нафари йўқолган. 3 нафар денгизчи эса қутқариб қолинди. Улар касалхонага жойлаштирилган бўлиб, ҳаёти хавф остида эмас.
Ҳодиса содир бўлган вақтда бортда 3 тонна пўлат борлиги ҳамда барча юк чўкиб кетгани хабар қилинмоқда. Жараёнга Шанхай денгиз қидирув-қутқарув маркази жалб қилинган. Мазкур ҳудудга ёрдамчи кемалар жўнатилган бўлиб, ҳозирда йўқолганларни денгиздан қидириш операцияси давом этмоқда. Тўқнашув сабаблари хақида аниқ тафсилотлар йўқ.
