АҚШда жуда кам учрайдиган икки бошли илон топилди, деб хабар берди lenta.ru. нашри.
Илонни Виргиния штатининг Ричмонд шаҳрида яшовчи аҳоли вакилларидан бири ўз боғидан топди. У илон тутувчиларга хабар бергандан кейин улар илонни тутиб, штатнинг ёввойи ҳайвонларни қутқариш марказига олиб келишди.
Олимларнинг фикрича, икки бошли илоннинг ёввойи табиат қўйнида яшаб кетиши қийин масала. Улар илоннинг аҳволини кузатишда давом этишмоқда. Агар мазкур илон яшаб кетса, одамлар томоша қилиши учун махсус террариумга жойлаштирилади.
