Оренбургда “Марказ – 2019” ҳарбий ўқувларнинг асосий фазасида ўзбекистонлик ҳарбийлар ҳам иштирок этишди

ЖАМИЯТ 21.09.2019, 14:43
Оренбургда “Марказ – 2019” ҳарбий ўқувларнинг асосий фазасида ўзбекистонлик ҳарбийлар ҳам иштирок этишди

Кеча, 20 сентябрь куни “Донгуз” полигонида (Оренбург вилояти) “Марказ – 2019” стратегик қўмондонлик-штаб ўқувларининг асосий фазаси бўлиб ўтди. Аввал хабар берилганидек, унда Ўзбекистон ҳарбий контингенти ҳам иштирок этди.

“Марказ – 2019” стратегик қўмондонлик-штаб ўқувлари Россия Федерацияси Қуролли Кучларида тезкор (жанговар) мажмуавий тадбирларининг якунловчи босқичи ҳисобланади. Ўқувлар давомида халқаро терроризмга қарши кураш ва Марказий Осиёнинг стратегик йўналиш бўйича ҳарбий хавфсизликни таъминлаш муаммоларини ҳал қилишда коалиция қўшинлари (кучлари)дан фойдаланиш масалалари кўриб чиқилди.

Ўқув машғулотларининг актив фазасини Россия Федерацияси Президенти Владимир Путин ва Қириғизистон Республикаси Президенти Сооранбай Жээнбеков, иштирокчи давлатларнинг мудофаа идоралари вазирлари, бир қатор хорижий мамлакатларнинг Қуролли Кучлари вакиллари кузатиб борди.

Ўқувларнинг асосий эпизодларини бир кун олдин Россияга етиб келган Ўзбекистон мудофаа вазири генерал-майор Баҳодир Қурбонов ҳам бевосита кузатди.

Эслатиб ўтамиз, ўқувларда ҳамкорликдаги ҳаракатларни амалга ошириш учун Хитой, Покистон, Қирғизистон, Ҳиндистон, Тожикистон ва Ўзбекистон ҳарбий контингенти жалб этилди.

Стратегик қўмондонлик-штаб ўқувларига 128 мингга яқин ҳарбий хизматчи, 20 мингдан ортиқ ҳарбий техника ва 600 га яқин учиш аппаратлари, шунингдек, 15 та таъминот кемалари қатнашди.

Майор Маъмуржон Ҳамидов бошчилигидаги Ўзбекистон ҳарбий контингентининг взвод-тактик гуруҳи Тожикистон ҳарбий хизматчилари билан биргаликда алоҳида ажратилган ҳудудни блокировка қилиш, шундан сўнг шартли террорчилар гуруҳини яксон этиш машғулотини бажарди.
Таъкидлаш керакки, Ўзбекистон ва Тожикистон ҳарбий хизматчилари ўзларининг давлатлари ҳудудида ҳам шартли равишда амалий ҳаракатларни олиб бордилар.

Ўқувларнинг асосий фазаси якунида Россия мудофаа вазири Сергей Шойгу фаол иштирок этган ҳарбий хизматчиларни “Жанговар ҳамдўстликни мустаҳкамлаш йўлида” медали билан тақдирлади.

Тақдирланганлар орасида уч нафар ўзбекистонлик ҳарбий хизматчилар ҳам бор – подполковник Марат Зарипов, сержант Ғайрат Донаев ва шартнома бўйича ҳарбий хизматчи, оддий аскар Нурбек Исмоилов.

Мудофаа вазирлиги Ахборот ва оммавий коммуникациялар департаменти

Шарҳлар

Об-ҳаво: Тошкент
Валюта курси
1