Давлат раҳбари халқни энг улуғ байрам — Мустақиллик куни билан самимий табриклаб, тантанали тадбирнинг Янги Тошкентда ўтказилаётгани байрам шукуҳини янада ошираётганини таъкидлади.
Президентнинг қайд этишича, келгусида илм-фан, таълим ва маданият марказига айланиши кўзда тутилган Янги Тошкентда куни кеча Янги Ўзбекистон университети, Низомий номидаги Ўзбекистон миллий педагогика университети ҳамда Ўзбекистон Миллий кутубхонасининг янги бинолари фойдаланишга топширилди.
Шунингдек, тантана иштирокчилари ҳузурида очиладиган фаввора дунёдаги энг баланд мусиқали фаввора сифатида “Гиннесснинг рекордлар китоби”дан жой олгани ҳам таъкидланди.
“Бир неча юз йиллик орзулар рўёбга чиқаётган ушбу бетакрор маконда бутун халқимиз билан ҳали яна кўплаб қувончли ва тарихий воқеаларга гувоҳ бўламиз.
Аминманки, Янги Тошкент пойтахтимизнинг кўркига кўрк қўшиб, биз барпо этаётган Янги Ўзбекистоннинг куч-қудратини намоён этадиган чинакам тараққиёт марказига айланади”, деди Шавкат Мирзиёев.
Расмий манбаларда Президентнинг исми Шавкат Мирзиёев, шаҳар номи эса Янги Тошкент шаклида қўлланган.
