Президент Шавкат Мирзиёев ўзбек тилига давлат тили мақоми берилганининг ўттиз йиллиги билан халқимизни табриклади ва 21 октябрь юртимизда “Ўзбек тили байрами куни” деб белгиланганини эълон қилди.
– Ҳар биримиз давлат тилига бўлган эътиборни мустақилликка бўлган эътибор деб, давлат тилига эҳтиром ва садоқатни, она ватанга эҳтиром ва садоқат деб билишимиз, шундай қарашни ҳаётимиз қоидасига айлантиришимиз керак, – деди Президент тантанали маросимда.
