"Ўзбеккино" Миллий агентлигининг хабар беришича, Наманган вилояти Косонсой туманида "Обод марказ" дастури асосида туманда бир қатор ижтимоий маданий марказлар очилди. Дастур таркибида тумандаги янги реконструкция қилинган Садриддин Айний номли кинотеатрнинг очилиш маросими бўлиб ўтди.
Тадбирда таниқли киноижодкорлар билан ижодий учрашув ташкил этилди.
Учрашувда ўзбек кино санъатининг кечаси ва бугуни ҳақида гапирилди.
Янги кинотеатрда киномухлислар учун ретро "Шум бола" фильми тақдим қилинди. Шу билан бирга янги ишланган кинокартиналардан Акбар Бектурдиевнинг "Тинчлик ортида" бадиий фильми намойиш қилинди.
