Унга қўра, 18 май куни республика ҳудудининг катта қисмида кундузи ёғингарчилик кутилмайди. Фақат Қорақалпоғистон Республикаси ва Хоразм вилоятининг айрим жойларида қисқа муддатли ёмғир ёғиши, момақалдироқ кузатилиши мумкин.
Шамол 7–12 м/с тезликда эсади, айрим жойларда 13–18 м/с гача кучайиши, баъзи ҳудудларда эса 20–22 м/с гача етиши ва чанг-тўзонлар билан кузатилиши мумкин. Ҳаво ҳарорати 32–37 даража бўлади.
Тошкент шаҳрида кундузи ёғингарчилик кутилмайди. Шамол 3–8 м/с тезликда эсади. Ҳаво ҳарорати 34–36 даражани ташкил этади.
Тоғ олди ва тоғли ҳудудларда айрим жойларда қисқа муддатли ёмғир ёғиши, момақалдироқ бўлиши мумкин. Шунингдек, сел-сув тошқинлари юзага келиши эҳтимоли бор. Шамол 7–12 м/с тезликда эсади, момақалдироқ пайтида 15–20 м/с гача кучайиши мумкин. Ҳаво ҳарорати 22–27 даража бўлади.
