Америкалик актёр Том Хенкс ва унинг рафиқаси Рита коронавирус инфекцияси билан касалланди. Бу ҳақда актёрнинг ўзи Twitter’даги саҳифасида хабар қолдирган.
Артистнинг сўзларига кўра, у ҳозир турмуш ўртоғи билан бирга Австралияда. Эр-хотиннинг аҳволи ёмонлашган, хусусан, улар бемажоллик ва танада оғриқлар борлигидан шикоят қилган. Бундан ташқари, Хенкснинг рафиқасида титроқ ва иситма ҳам кузатилган.
«Ҳаммасини тўғри қилиш учун — ҳозир шундай қилиш шарт — биз коронавирусга таҳлил топширдик», — деб ёзган Хенкс. Унинг сўзларига кўра, таҳлил натижалари уларда коронавирус инфекцияси борлигини кўрсатган.
