Карантин чоралари коронавирусга қарши вакцина топилмагунига қадар давом этиши керак.
Гонконг университети олимлари Хитой қатъий карантин чора-тадбирлари сабаб эпидемиянинг биринчи тўлқинини назорат остига олишга муваффақ бўлгани ҳақида огоҳлантиради. Бироқ, таъкидланишича, ҳозирда мамлакатда COVID-19 билан янги касалланиш ҳолатлари қайд этилмоқда.
Мутахассисларнинг фикрича, карантин чораларини секин-асталик билан камайтириб, мамлакатда вирус тарқалишини назорат қилувчи мавжуд воситаларни ишга солиш керак. Буни коронавирусга қарши вакцина топилмагунига қадар амалга ошириш лозим.
Шунингдек, хориждан вирусни «олиб кириш» эҳтимолини ҳамда мамлакатни керакли ресурслар ва тиббиёт ходимлари билан таъминлаш аҳамиятини унутмаслик лозим.
Сўнгги маълумотларга кўра, Хитойда ўтган бир суткада коронавирусга чалиниш бўйича 42 та янги ҳолат қайд этилган, бир киши вафот этган.
