"Uzbekistan Airways" компанияси Ўзбекистон Республикасига коронавируснинг кириб келиши ва тарқалишининг олдини олиш чора-тадбирлар дастурини тайёрлаш бўйича Республика махсус комиссиясиннинг қарори билан мамлакатимиз вилоятлари бўйича қатновларни босқичма-босқич қайта тиклаши ҳақида хабар беришга хурсандмиз. Хусусан, жорий йилнинг 18-май кунидан бошлаб авиакомпания Нукус, Термиз ва Урганч шаҳарларига иккалла томонга қатновларини қуйидаги жадвал бўйича амалга оширишни бошлайди:
Тошкент-УРГAНЧ-Тошкент (ДУШAНБA, ПAЙШAНБA)
Тошкентдан кетиш: 09-00, Урганч шаҳрига келиш: 10-30
Урганч шаҳридан кетиш: 13-30, Тошкентга келиш: 14-50
Тошкент-НУКУС-Тошкент (СЕШAНБA, ЖУМA)
Тошкентдан кетиш: 09-00, Нукусга келиш: 10-40
Нукус шаҳридан кетиш: 13-40, Тошкентга келиш: 15-00
Тошкент-ТЕРМИЗ-Тошкент (ЧОРШAНБA, ШAНБA)
Тошкентдан кетиш: 09-00, Термезга келиш: 10-20
Термиз шаҳридан кетиш: 13-20, Тошкентга келиш: 14-30
"Қатновга рўйхатдан ўтиш ва ҳаво кемасида йўловчиларга хизмат кўрсатиш тартибига ўзгартиришлар киритилганлигига эътибор қаратишингизни сўраймиз. Ушбу тартибга кўра, авиакомпания қатновларига санитария-эпидемиологик осойишталиги Маркази томонидан коронавирус инфекциясига тест таҳлиллари олинганлигига 120 соатдан кўп бўлмаган ҳамда таҳлил натижаси “манфий” эканлиги ҳақидаги маълумотномаси бўлган йўловчиларгина киритилади.
Карантин чораларига риоя қилиш, яъни ҳимоя ниқоблари ва қўлқопларини тақиш, рўйхатдан ўтиш пайтида ва ҳаво кемасида ижтимоий масофага риоя қилиш лозим. Ҳаво кемаси салонида ўтириш тартиби қўниш талонига биноан қатъий равишда амалга оширилади, ҳаво кемаси салонида эҳтиёжсиз ҳаракатланиш тақиқланади.
Aвиачипталарни онлайн ёки "Uzbekistan Airways Sales" (собиқ ҳаво йўллари Бош агентлиги) кассаларида ва аэропортларда барча карантин талабларига қатъий риоя қилган ҳолда харид қилиш мумкин.
