my5
all

Машҳур "Сан-Сиро" стадиони бузилиши мумкин...

ДУНЁ 23.05.2020, 13:00
547
Машҳур "Сан-Сиро" стадиони бузилиши мумкин...

Нафақат Италия, балки жаҳоннинг энг номдор футбол жамоалари сафида тилга олинадиган "Интер" ва "Милан" клублари ўз уй ўйинларини ўтказадиган "Сан-Сиро" стадиони бузилиши мумкинлиги эълон қилинди. Ушбу иншоот “La Repubblica” нашрининг ёзишича, меъморий қимматга эга бўлган объект сифатида тан олинмаган.

Ломбардия вилояти Маданий мерос комиссияси Милан шаҳри мэри Жузеппе Сала ўтган йилнинг ноябрида юборган сўровга жавобан, мазкур арена маданий меросни муҳофаза қилиш тўғрисидаги низом талабларига мос эмаслигини қайд этган. Сабаби ХХ асрнинг иккинчи ярмида амалга оширилган реконструкция натижасида 1925-26 йилларда бунёд этилган ва 1938-39 йилларда модернизация қилинган стадиондан "асар ҳам қолмаган".

Энди "Милан" ва "Интер" "Сан-Сиро"ни бутунлай бузиб ташлаб, ҳудудда 60 минг ўринли янги арена барпо этишни кўзламоқда. Замонавий инфраструктурага эга бўладиган мажмуа таркибида меҳмонхона, савдо маркази ва дам олиш зонаси ҳам қурилади. Ҳозирги чимли майдон ўрнида эса хиёбон вужудга келади.

Шарҳлар

Кун мавзуси: коронавирус
Об-ҳаво: Ташкент
+29° ясно
Валюта курси
10194.96
USD 10.23
11518.27
EUR 62.49
143.88
RUB 1.4