Москва шаҳрининг “Земляной Вал” кўчасида жойлашган “Альфа-банк” офисларининг бирига кеча шанба куни номаълум эркак томонидан ҳужум уюштирилган, камида 5 киши гаровга олинган. Номаълум шахс бинони портлатиб юбориш билан таҳдид қилган, деб ёзмоқда BBS.com.
Бугунги маълумотларга кўра машкур шахс қўлга олинган. Унинг қўўлидаги портловчи ускунага ўхшаш жисм ўйинчоқ бўлган.
Тезкор гуруҳ тақдим этган ахборотга кўра ушбу шахсга тергов жараёнида нима учун бу ишга қўл ургани сўралган. "Мен шундай қилсам, мени нима қилишларини билмоқчи эдим. мен шунга қизиқдим", деб жавоб берган. Мазкур шахс Россия Федерациясида амал қилинадиган қонунчиликка асосида жавобгарликка тортилиши айтилмоқда.
