Таниқли актёр, ҳуқуқшунос, бошловчи ва блогер Отабек Маҳкамов пандемия пайтида АҚШда бўлиб турибди. У ўзининг хориждаги ҳаёти ҳақида ижтимоий тармоқда хабар қолдирди. Жумладан у шундай деб ёзган:
"Пандемия бошланганидан бери, ўз ишимни 70%га йўқотдим, лекин, АКШ ҳукумати менга 1 200 доллар компенсация тўлади, шунинг учун бизнинг маҳаллада берилаётган бепул озиқ-овқатларни олгани уялгандим.
Лекин, кеча Россия телеканаллари "Америкада берилаётган бепул озиқ-овқат бу ёлғон" эканлиги тўғрисида лавҳаларни кўрганимдан кейин, бугун, юзимни ғишдай қилиб маҳалламиздаги махсус пунктга бориб, барча ҳужжатларимни олиб эл катори навбатга турдим.
Натижада, ярим соат ичида навбатим келганида, мендан, ҳеч қандай ҳужжат, маҳалладан тавсиянома, таклифнома, гувоҳнома ёки гуноҳнома сўралмаган ҳолда, столимнинг устида турган ҳамма озиқ-овқатларни тантанали тарзда қўлимга топширишди", дейилади хабарда.
