Миннеаполисда полиция томонидан ўлдирилган Жорж Флойднинг қизи Дисней компаниясининг улушига эгалик қилади, дея ёзди Ўзрепорт.
Машҳур қўшиқчи ва актриса Барбара Стрейзанд марҳумнинг қизига компания акцияларини совға сифатида тақдим этди.
Олти ёшли Джианна Диснейнинг акциядорига айланди ва махсус гувоҳнома билан ижтимоий тармоққа ўз суратини ва миннатдорчилик сўзларини жойлади.
Икки марта Оскарни қўлга киритган 78 ёшли Стрейзанд қизчага ўзининг 2та альбомини ҳам совға қилди.
Валт Дисней компанияси дунёдаги энг йирик медиа конгломератлардан биридир. 2019 йил охирида унинг бозор баҳоси 240 миллиард долларни ташкил этди. 1923 йилда ака-ука Уалтер ва Рой томонидан кичик анимация студияси сифатида ташкил этилган компания бугунги кунда кино ва анимация маҳсулотларини ишлаб чиқаради.
