АҚШ президенти Дональд Трамп Эрон билан эришилган ҳарбий сулҳдан тўлиқ мамнун бўлмаганини билдирди. Унинг фикрича, келишув кутилган натижани бермаган. Бу ҳақда “Zamon.uz” хабар берди.
Трамп бу ҳақда Миссисипи штатида Республикачилар партияси тарафдорлари олдида сўзлаган нутқида айтди.
“Биз кичик бир сулҳ туздик, мен бундан унчалик мамнун эмас эдим. Менимча, бу вақтни беҳуда сарфлаш эди”, — деди АҚШ президенти.
Трамп Эронга қарши ҳарбий операция бошлаш қарорини изоҳлар экан, Вашингтоннинг бошқа чораси қолмаганини таъкидлади. Унинг айтишича, можаро анча олдин ҳал қилиниши керак эди ва ҳарбий ҳаракатлар яқин орада якунланади.
Шунингдек, АҚШ етакчиси Ҳурмуз бўғози орқали бир нечта кеманинг ўтишига рухсат берилганини қайд этди. Бироқ у бундай ёндашув кутилган натижани бермаганини таъкидлади.
