Сенат йиғилишида ҳудудларни ижтимоий-иқтисодий ривожлантириш бўйича аниқ вазифа қўйилди

СИЁСАТ 19.06.2020, 10:51
Сенат йиғилишида ҳудудларни ижтимоий-иқтисодий ривожлантириш бўйича аниқ вазифа қўйилди

Ўзбекистон Республикаси Олий Мажлиси Сенатининг бешинчи ялпи мажлиси бугун, 19 июнь куни соат 10.00 да Тошкент шаҳрида Олий Мажлис Сенатининг мажлислар залида ўз ишини бошлаши ҳақида хабар берган эдик. 

Ялпи мажлисни Олий Мажлис Сенати Раиси Танзила Нарбаева олиб бормоқда.

"Долзарб ижтимоий-иқтисодий масалаларни ҳал этишда Сенатнинг ҳам иштироки фаоллашиб бораётганини алоҳида таъкидлаш лозим. Давлатимиз раҳбари раислигида ўтказилаётган йиғилишларда белгилаб берилаётган вазифаларнинг ҳудудларда тўғри ва самарали ижро этилишини таъминлашга алоҳида урғу берилмоқда. Хусусан, жорий йил 21 май куни Самарқанд вилоятининг Каттақўрғон шаҳрида бўлиб, ҳудудни комплекс ривожлантириш масалаларини атрофлича кўриб чиқдик.

Президентимизнинг алоҳида топшириғи билан Каттақўрғон шаҳрини 2020–2022 йилларда ижтимоий-иқтисодий ривожлантириш ва камбағалликни қисқартириш бўйича чора-тадбирлар белгилаш юзасидан Ҳукумат олдига аниқ вазифа қўйилди. Бу борада яқин кунларда Ҳукумат қарори қабул қилиниши кутилмоқда.

Бундан ташқари, яқинда Қашқадарё вилоятида ҳам бўлиб, айни шу масалаларни атрофлича кўриб чиқдик. Аҳоли, жумладан тадбиркорлар билан мулоқот қилдик. Улар томонидан кўтарилган масалаларнинг аксарияти жойида ҳал этилди.Шу жиҳатдан, Каттақўрғон ва Қарши шаҳридаги ишимизни тизимли давом эттиришни белгилаб олдик" дейди Танзила НАРБАЕВА,  Ўзбекистон Республикаси  Олий Мажлиси Сенати Раиси.

Кўриб чиқиладиган масалаларни Сенатнинг расмий бев-сайти ва ижтимоий тармоқлардаги саҳифалари ҳамда “Ўзбекистон 24” ва “Узрепорт” телеканали орқали тўғридан-тўғри жонли эфирда кузатиб боришингиз мумкин.

Шарҳлар

Об-ҳаво: Тошкент
Валюта курси
1