Чортоқлик икки нафар ўқувчи қиз Испанияда ўтказилган онлайн танловда пианино йўналишида халқаро тоифадаги ғолиблик дипломи билан тақдирланди. Бу ҳақда Чортоқ туман ҳокимлиги ахборот хизмати хабар берди.
Чортоқ туманидаги 14-сонли мусиқа ва санъат мактаби тарбияланувчилари – Дилноза Давлаталиева 9-мактабнинг 5-синфини, Дилрабо Абдулҳамидова 47-мактабнинг 4-синфини тамомлади. Санъатга меҳри баланд бўлган бу иқтидорли қиз дунёнинг 100 дан ортиқ давлати ўртасида “World Art Games” шиори остида ўтказилган халқаро танловда 10-12 ёш тоифасида пианино йўналишида фахрли 2-ўринни қўлга киритиб, халқаро тоифадаги диплом билан тақдирландилар.
