Россия Федерацияси Президенти Владимир Путин Туркия билан муносабатларда юзага келган зиддиятлардан афсусда эканлигини билдирди. Бу ҳақда “РИА Новости” хабар бермоқда.
“Туркия билан муносабатларни йўлга қўйиш учун кўп вақт ва меҳнат сарфлаганмиз. Муносабатларда кескинлик юзага келганидан афсусдаман”,— деди Путин Туркия билан юзага келган зиддиятлар ҳақидаги саволларга жавоб берар экан.
Эслатиб ўтамиз, бундан аввал Путин Су-24 ҳалокатидан сўнг Туркияга нисбатан махсус иқтисодий чекловлар ва миллий хавфсизликни таъминлаш ҳақида фармон имзолаган эди.
