2020 yil 23 dekabr kuni soat taxminan 14:00larda Kogon shahar “Xo`jabargi” MFY, Farovonlik ko`chasi, 120-uyda fuqaro N.Q. hamda uning voyaga etmagan farzandlari S.S. va B.X.larning tan jarohatlarsiz jasadi aniqlandi. Bu haqda "darakchi.uz"ga Bosh prokuratura Matbuot xizmati xabar berdi.
O`lim sabablarini aniqlash maqsadida o`tkazilgan sudga oid tibbiyot ekspertizalarning dastlabki xulosasiga ko`ra, N.Q., uning varzandlari S.S. va B.X.larning o`limi is gazidan zaxarlanishdan hosil bo`lgan nafas va yurak qon tomiri etishmovchilikdan kelib chiqqan.
Shuningdek, ma`lum qilinishicha, Kogon tuman gaz ta`minoti bo`limi va Yong`in xavfsizligi hududiy bo`lim xodimlarining harakatlari bo`yicha xizmat tekshiruvlari tayinlandi.
Mazkur holat yuzasidan viloyat IIB huzuridagi TB tomonidan JKning 259-moddasi 2-qismi “a” bandi bilan bilan jinoyat ishi qo`zg`atildi va tergov harakatlari olib borilmoqda.
Jinoyat ishi bo`yicha ishga aloqador bo`lgan N.Q.ning qarindoshlari, qo`shnilari, ishlab kelayotgan muassasa xodimlari, Kogon tuman gaz ta`minoti bo`limi va Yong`in xavfsizligi hududiy bo`lim xodimlari guvoh tariqasida so`roq qilindi.
“Sanoatkontexnazorat” hududiy bo`limiga texnika xavfsizli qoidalariga rioya qilinganligi yoki yo`qligi bo`yicha ekspertiza tayinlandi, deyilgan taqdim etilgan ma`lumotda.
Eslatib o`tamiz:
2020 yil 6 noyabr kuni Sirdaryoda yosh kelin-kuyov is gazidan zaharlanish oqibatida vafot etishdi.
30 oktyabr kuni Navoiyda kollej o`quvchisi bo`lgan aka-uka uyida is gazidan zaharlanib vafot etdi.
Shuningdek, oktyabr oyida nikoh to`yiga ikki kungina bo`lgan yosh kelin-kuyov is gazidan zaharlanib vafot etdi. Bir necha kun avval esa Nukusda ijarada yashayotgan 4 nafar talaba, Yangiyo`lda esa bir oila is gazidan zaharlandi.
25 noyabr kuni Sirdaryoda ayol va uning 3 farzandi is gazidan zaharlanib vafot etgan. 9 dekabr kuni Qoraqalpog`iston Respublikasi Xo`jayli tumanida 6 kishi is gazidan zaharlanib, vafot etgan. 13 dekabrda Navoiy viloyatida 13 yoshli qiz ham is gazi qurboni bo`ldi. Bir necha kun avval esa Jizzaxda 19 yoshli yigit is gazidan zaharlani vafot etgani xabar qilingan edi.
Mavzuga doir:
2020 yilda is gazidan qancha fuqaro vafot etgani ma`lum qilindi
