Таниқли режиссёр ҳамда сценарист Маҳмуд Тўйчиев 69 ёшида оламдан ўтди. Бу ҳақда "Ўзбеккино" миллий агентлиги хабар берди.
Маълумот ўрнида:
Маҳмуд Тўйчиев 1951 йил 26 август куни Тошкент шаҳрида туғилган. 1980 йил Бутунроссия давлат кинематография институтининг сценарий бўлимини тугатган. Маҳмуд Тўйчиев "Темир хотин", "Шайтанат", "Катта ойи", "Аёллар салтанати" каби фильмлар сценарийсининг муаллифи ҳисобланади.
Таҳририятимиз номидан марҳумнинг оила аъзоларига ҳамдардлик билдирамиз.
