Бу ҳақда АОКА залида бўлиб ўтаётган матбуот анжуманида Тошкент шаҳридаги ана шундай марказлардан бирининг бош шифокори Алишер Ҳожиметов маълум қилди:
🛏 «Ички ишлар вазирлиги томонидан Енгил атлетика залида ташкил этилган 750 ўринли саралаш ва тақсимлаш маркази 1 августдан ўз фаолиятини бошлади. Ўринларнинг 390 таси — ўрта оғир, 290 таси — оғир ва 90 таси — ўта оғир беморлар қабулига мўлжалланган.
Айни пайтда шифохонада 691 та бемор даволанмоқда. Ҳозирга қадар муассасамизда 1500 дан ортиқ бемор даволаниб чиқди.
Саралаш ва тақсимлаш марказлари — дунёда бунақа марказлар йўқ. Бу бизнинг ҳукуматимиз ташаббуси. Намуна сифатида ташкил этилган бу марказлар тўлиқ ўзини оқлади.
Бу ерда беморларни қабул қилиб, уларни саралаб, коронавирус бор-йўқлигини ажратиб, касаллик даражасига қараб даволаш чораларини кўриляпти».
