Қозоғистонда 2 миллион нафардан кўпроқ аҳоли COVID-19 коронавирус инфекциясига қарши бепул эмланади.
Бу ҳақда Қозоғистон соғлиқни сақлаш вазирлиги вакили Багдат Кожахметов Facebook’да маълум қилган.
Қозоғистон соғлиқни сақлаш вазирлигининг ҳисоб-китобига кўра мамлакатда жами 2 182 000 нафар одам ёки аҳолининг 11,5 фоизи бепул эмланади. Улар 65 ёшдан катта кишилар, юрак-қон томир касалликлари, қандли диабет, сурункали обструктив ўпка касалликлар ва бошқа хроник хасталиклар билан оғирган беморлар, шунингдек тиббиёт ходимлари бўлади.
