Жорий йилнинг 11 август куни ижтимоий тармоқда “Негатив 105: ДАН ходимлари болаларни тунда кўчага ташлаб кетишди” сарлавҳаси остидаги видео лавҳа тарқалди.
ИИВ ЙҲХББ Ахборот хизматининг маълум қилишича, мазкур ҳолат юзасидан хизмат текшируви олиб борилмоқда.
"Ушбу видео лавҳада тасвирланган ҳолат жорий йилнинг 7 август куни Самарқанд вилояти, Каттақўрғон туманида ЙПХ ходимлари ва “Эпика” русумли транспорт воситаси ҳайдовчиси С.М.лар иштирокида содир бўлган.
Мазкур ҳолат юзасидан туман прокуратураси томонидан терговолди текширув ҳаракатлари олиб борилиб, вилоят ИИБ томонидан хизмат текшируви ўтказилмоқда",
- дейилади расмий хабарда.
