“Картография” Давлат илмий ишлаб чиқариш корхонаси томонидан Ўзбекистон Республикаси Вазирлар Маҳкамасининг 204-ф-сон фармойишига асосан 424 та харитани ўз ичига жамлаган 2 томдан иборат Ўзбекистон Миллий атласи яратилмоқда. Бу ҳақда Даверкадастр расмий канали маълум қилди.
2019 йилда Атласнинг I-томи бўйича ишлар тўлиқ якунланди ва ҳозирда 12 та вазирлик ва идора билан келишилди.
Атласнинг II-томининг 1-4 бўлимларида ҳам ишлар якунланди ва бу жами 357 та харитани (84 фоизини) ташкил этади.
Атласнинг II-томи 4-бўлимидаги иқтисодиётга оид 67 та харитани яратиш ва якуний чоп этиш ишларини 2020 йил октябрь ойи якунига қадар тугатиш режалаштирилган.
Чоп этиш ишлари эса йил охирига қадар якунланади.
