Давлат олий таълим муассасаларида сиртқи таълим шаклида иккинчи олий таълим олмоқчи бўлган абитуриентлар диққатига муҳим янгиликлар эълон қилинди:
Фуқаролар ҳамда олий таълим муассасаларининг мурожаатлари инобатга олиниб, иккинчи олий таълим бўйича 2020/2021 ўқув йили қабули учун белгиланган таълим йўналишлари рўйхати кенгайтирилган, мос равишда, қабул кўрсаткичлари оширилган.
Эслатиб ўтамиз:
Иккинчи олий таълимга қабул учун аризаларни рўйхатдан ўтказиш ikkinchitalim.edu.uz — веб-платформаси орқали онлайн амалга оширилмоқда.
2020/2021 ўқув йилига республика олий таълим муассасаларига иккинчи олий таълимни олиш учун абитуриент сифатида рўйхатдан ўтиш муддати 2020 йил 31 августгача (31 август куни ҳам).
2020/2021 ўқув йили учун иккинчи ва ундан кейинги олий маълумот олишга рухсат этилган олий таълим муассасаларининг рўйхати мана бу ерда.
Хорижий тиллар йўналишлари бўйича иккинчи олий таълим кундузги таълим шаклида амалга оширилади.
