Ўзбекистонда хизмат кўрсатган ёшлар мураббийси, "Шуҳрат" медали соҳиби, Қашқадарё тарихи ва Темурийлар сулоласига оид тарихий илмий рисолалар муаллифи Поён Равшанов 79 ёшида оламдан ўтди.
Бу ҳақда хабар қилган Қашқадарё вилояти ҳокимлиги марҳумнинг оила аъзолари ва унинг яқин қариндошларига чуқур таъзия билдирди.
Маълумот учун: Поён Равшанов 1941 йилда Қамаши тумани Катта Дўстберди қишлоғида туғилган. Самарқанд Давлат университетининг филология факултетини тамомлаган.
Қарши Давлат университети фахрий профессори. 70 дан ортиқ илмий-тарихий , бадиий асарлар муаллифи. Ўзбекистонда хизмат кўрсатган ёшлар мураббийси. Ўзбекистон Ёзувчилар уюшмаси аъзоси.
