Айни пайтда Халқ таълими вазирлигида Санитария-эпидемиологик осойишталик агентлиги вакиллари иштирокида "Республика мактабларида 2020/2021 ўқув йилини бошлаш ва санитария қоидаларига риоя этилиши тартиби" мавзуидаги матбуот анжумани ўтказилмоқда.
Унда айтилишича, агар битта синфда бир вақтнинг ўзида 3 нафар ўқувчида вирус аниқланса, фақат ўша синф карантинга олинади.
Мазкур синф онлайн ўқишга ўтказилади.
Шунингдек, анжуманда Республика мактабларида 2020/2021 ўқув йилини бошлаш ва санитария қоидаларига риоя этилиши тартиби юзасидан маълумотлар берилмоқда. Таъкидланишича, дарс вақтини 30 дақиқага қисқартириш таклифи берилган.
