Жанубий Кореянинг собиқ президенти Ким Де Чжуннинг ёрдамчиси Чан Сон Миннинг фикрича, Шимолий Корея етакчиси Ким Чен Ин бир неча ойдан буён кома ҳолатида ётибди. Бу ҳақда «Интерфакс» хабар берди.
«Ўйлашимча, у комада, бироқ у ўлмаган», — дея таъкидлаган Чан Сон Мин.
Унинг тахмин қилишича, сўнгги вақтларда телевидениеда кўрсатилган Ким Чен Иннинг омма олдига чиқиши ҳақида барча тасвирлар монтаж қилинган. Таъкидлашича, Ким Чен Иннинг синглиси Ким Ё Чжонга ҳукуматдаги бўшлиқ сабабли мамлакат етакчиси мажбуриятларининг бир қисми юклатилган.
Чан Сон Миннинг айтишича, ваколатларни тўлиқ ўтказиш даражасига ҳали етиб келинмаган, ҳукуматдаги бўшлиқни узоқ вақт ушлаб туришнинг имкони йўқлиги сабабли Ким Ё Чжон биринчи қаторга чиққан.
