27 август куни Акром Малик озодликка чиқди. Бу ҳақда Kun.uz’га унинг оила аъзолари хабар беришган.
Ўзбек жамоатчилиги Акром Маликни навоийшунос тадқиқотчи, шунингдек, ёзувчи ва шоир сифатида танийди. У 2016 йил июль ойида МХХ томонидан қамоққа олинган, кейинчалик суд томонидан Жиноят кодексининг 159-моддаси (“Конституцион тузумга тажовуз”) ҳамда 244-моддаси (“Жамоат хавфсизлигига таҳдид”) билан айбланиб, 6 йилга озодликдан маҳрум этилган эди.
Унинг Абдуллоҳ Нусрат тахаллуси остида ёзган сиёсий-танқидий мақолалари жиноят сифатида баҳоланган.
У Ўзбекистон мустақиллигининг 29 йиллиги муносабати билан бир гуруҳ маҳкумлар қаторида афв этилган.
