Тошкент шаҳрида Бўзсув каналига ўзини ташлаган қиз профилактика инспекторлари томонидан қутқарилди. У шифохонага олиб борилган, ҳозирда аҳволи барқарор. Бу ҳақда Тошкент шаҳар Ички ишлар бош бошқармаси хабар берди.
Маълум қилинишича, воқеа каналнинг аҳоли сайр қилиши учун мўлжалланмаган қисмида содир бўлган. Ҳодисани кўрган фуқаро зудлик билан 102 хизматига қўнғироқ қилган ва қутқарув воситасини олиб келган.
Чақирувдан сўнг воқеа жойига етиб келган профилактика инспекторлари қизни сувнинг четки қисмида аниқлаган. Ходимлардан бири уни қутқариш учун сувга тушган, иккинчиси эса қизни сувдан чиқаришга ёрдам берган.
Сувдан чиқарилган қиз яқин атрофдаги 5-сонли шифохонага олиб борилган. Тиббий ёрдамдан сўнг у ўзига келган ва кейинчалик Янги йўл туманида яшовчи ота-онасига соғ-саломат топширилган.
