Германияда полиция 27 ёшли аёлни ўзининг беш нафар фарзандини ўлдирганликда гумон қилмоқда. Аёл эса ўз жонига қасд қилишга урунган. Бу ҳақда Узрепорт ёзмоқда.
Пайшанба куни тушдан кейин Золингендаги кўп қаватли уйдаги хонадонлардан бирида бир ярим ёшдан саккиз ёшгача бўлган беш нафар боланинг жасади топилган. Полицияга қурбонларнинг бувиси қўнгъироқ қилган. Ҳозирда қасддан қилинган қотиллик иши бўйича тергов олиб борилмоқда, деди катта инспектор Стефан Ваянд.
"Маҳаллий вақт билан биз соат 13:45 да уйдаги беш нафар ўлик бола ҳақида маълумот олдик. Афсуски, бу маълумотлар тасдиқланган. Биз бу қотиллика болаларнинг онаси қўл урган деган шубхадамиз. У Дюсселдорфдаги поезд йўлига ўзини ташлаган ва жиддий жарохат олган. Аёл ҳозир касалхонада”.
Тахминларга кўра гумонланувчи, эҳтимол, болаларга дорилар берган бўлиши, ва бунинг барчаси унинг 11 ёшли катта ўғлининг кўзи олдида содир бўлган бўлиши мумкин.
Аёлнинг тўнгъич фарзандини яқинлари ўз қарамогъига олган. Унинг ахволи қониқарли экани айтилди. Жиноят сабаблари аниқланганича йўқ.
