2020-2021 йилларда Сўх туманини комплекс ижтимоий-иқтисодий ривожлантириш чора тадбирлари Дастурига асосан туманда 160 километр шағал қопламали йўлларни цементобетон қопламага ўтказиш ва асфальт қоплама ётқизиш, 106 километр тупроқ йўлларни шағал қопламага ўтказиш ва 40 километр цементобетон пиёдалар йўлакларини қуриш белгиланган. Бу ҳақда Ўзбекистон Республикаси Транспорт вазирлиги Ахборот хизмати хабар берди.
Шундан жорий йилда 96 километр йўл ва 20 километр пиёдалар йўлаклари бунёд этиляпти. Мазкур мақсадларга икки йилда 104,1 миллиард сўм маблағ сарфланади.
