1 октябрь куни соат 14:00 ларда, Тошкент шаҳар, Мирзо Улуғбек тумани, Мустақиллик шоҳ ва Мовароуннаҳр кўчалари кесишмасида хизмат олиб бораётган ЙПХ инспекторининг тўхташ ишорасига бўйсунмаган “Ласетти” русумли автомобиль ҳайдовчиси 30 ёшли Т.А. катта ЙТҲнинг сабабчисига айланди. Бу ҳақда ИИВ ЙҲХББ Ахборот хизмати хабар берди.
Қоидабузар ҳайдовчи ҳаракатини давом эттириб, ўзидан олдинда бўлган “Matiz”, “Cobalt”; “Hyundai”, “Nexia”, “Spark”, “Damas” русумли транспорт воситаларига техник шикаст етказиб, йўлнинг қарама-қарши бўлагини ажратиб турувчи қисмида, тунги вақтда ёритиш учун ўрнатилган симёғочга урилиб тўхтаган.
Натижада, тан жароҳати олганлар йўқ.
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан дастлабки суриштирув ишлари олиб борилмоқда.
Маълумот ўрнида, ҳайдовчининг меъёрий ҳужжатлари тўлиқ бўлмаганлиги сабабли ЙПХ ходимининг тўхташ ишорасига бўйсунмасдан, тезлигини меъёридан ошириб ҳаракатланганлиги маълум бўлди.
