Қирғизистоннинг собиқ президенти Алмазбек Атамбаев Миллий хавфсизлик давлат қўмитасининг ҳибсхонасидан Бишкекдаги 1-тергов изоляторига кўчирилди. Атамбаев шу муносабати билан очлик эълон қилди.
"У СИЗО-1га ўтказилди, очлик эълон қилишига сабаб шу", — деди унинг адвокати Сергей Слесарев.
МХДҚ СИЗО - Қирғизистон махсус хизматлари биносидаги тергов изолятори ҳисобланди. Одатда коррупцияда гумон қилинган юқори лавозимли мансабдор шахслар ва миллий хавфсизликка таҳдид солувчилар, террорчилар, экстремистлар, чет эллик ёлланма жиноятчилар шу ерга жойлаштирилади.
СИЗО-1 - Бишкек марказидаги тергов ҳибсхонаси бўлиб, у ерда пойтахт ва Чуй вилоятида жиноят содир этганликда гумон қилинган шахслар сақланади.