30- октябрь. Юртимизда коронавирус қайд этилганлар 251 нафарни, вафот этганлар 2 нафарни ташкил қилди

Шу йилнинг 30 октябрь куни мамлакатимизда 251 ҳолатда касаллик қайд этилди. 

Шу билан бирга, бугун 2 нафар коронавирусга чалинган бемор вафот этиб, жами кўрсаткич 563 нафарга етди.

Эътиборли жиҳати, бугун Тошкент шаҳри, Қорақалпоғистон Республикаси, Тошкент, Андижон, Жиззах, Қашқадарё, Навоий, Самарқанд, Сирдарё, Сурхондарё, Хоразм Наманган, Фарғона вилоятларида 265 нафар бемор тузалди.

Ҳозирда касаллик қайд этилган жами 66 705 нафар бемордан 63 978 нафари соғайиб, даволаниш кўрсаткичи 96 фоизни ташкил этмоқда.

Айни пайтда тиббиёт муассасаларида даволанаётган 2 164 нафар бемордан 267 нафари оғир, 73 нафари эса ўта оғир аҳволда.