Самарқандда 16 йил аввал кўмиб ташланган ерости йўли яна очилмоқда(фото)

Самарқанд шаҳрининг Амир Темур ва Алишер Навоий кўчалари кесишмасида барпо этилган ва 2004 йилда кўмиб юборилган ерости ўтиш йўли 16 йилдан сўнг яна очилмоқда, дея хабар берди "Daryo.uz"

Таъкидланишича, Амир Темур кўчасидаги ерости ўтиш йўли қаровсиз қолгани сабабли 2004 йилда кўмиб юборилган ва анча йиллар давомида эътибор берилмаган.

Маълумот берилишича, вилоятнинг собиқ ҳокими Рустам Холмуродов раҳбарлиги даврида кўмиб ташланган йўлакка Эркинжон Турдимов даврида эътибор қаратилди.

Қўшимча қилинишича, Алишер Навоий кўчасида автомобиллар ҳаракатланмайди, йўл тўлиқ пиёдалар юриши учун мослаштирилган.