Равшан Умурзоқов Екатеринбургда навбатдаги жангини ўтказди

Профессионал боксчимиз Равшан Умурзоқов кеча Екатеринбургдаги бокс оқшомида рингга кўтарилди, дея хабар берди "Olamsport".

Ушбу жангда ҳамюртимизга украиналик Зоравор Петросян рақиблик қилди. 

8 раундга мўлжалланган жанг тўлиқ давом этди ва унда ҳакамлар бир овоздан Петросяннинг ғалаба қозонганлигини қайд этишди. 

Маълумот учун, Умурзоқовнинг проф боксда ўтказган жанглари сони 12 тага етди. Бунгача у 10 та жангида ғалаба қозонган (7 та нокаут). Кечаги жангда Равшан кетма-кет иккинчи мағлубиятини қабул қилиб олди. Украиналик боксчи эса проф боксда 10-0 (4 та нокаут) рекордга эга.