Айни пайтда ШҲТ нинг навбатдаги саммити бўлиб ўтмоқда. Онлайн-саммитда Ўзбекистон раҳбари Шавкат Мирзиёев нутқ сўзлади.
Президент Ўзбекистоннинг стратегик ҳамкори ва яқин қўшниси бўлган Қирғизистоннинг тинчлик ва фаровонлик йўлидаги саъй-ҳаракатларини ҳар томонлама қўллаб-қувватлашини билдирди.
Шунингдек, Тоғли Қорабоғда ҳарбий ҳаракатлар тўхтатилганидан мамнун эканини билдирар экан, минтақада тинчлик ўрнатилишига умид билдирди. Арманистон ва Озарбайжон ўртасида тинчлик сулҳининг тузилишида Россиянинг ролини юқори баҳолади.
